Ginahulat pa sang Cadiz City Police Station ang resulta sang post mortem examination sa bangkay sang 38 anyos nga iloy, nga nasapwan nga wala na sang pang-idalom nga panapton sa Sition Capayas, Brgy Sicaba, Cadiz City sang Huwebes.
Ang biktima ang ginkilala nga si Jenny Ann Delano, kasado, may isa ka bata nga babayi kag residente sang nasambit nga lugar.
Sa interview sang Bombo Radyo Bacolod kay Police Lt Daleen Grace Loreno, deputy chief of Police sang Cadiz City Police Station, udner monitoring sa karun ang ginakabig nga person of interest nga naga-edad sang 21.
Nahibaloan ang ang person of interest yara sa drug watch list bangod sa pag-usar kag pagbaligya sang illegal nga droga.
Suno diri, padayon ang ila panawagan sa mga mahimo nakawitness sa natabo nga indi magkahadlok sa paghatag sang impormasyon.
Nahibaloan nga antes natabo ang insidente, ginbiyaan sang bana ang iya asawa sa waiting shed para magpatughong.
Apang pagbalik sini, wala na ang iya asawa kag sang ginpangita nasapwan ini nga wala sang kabuhi, wala sang pang-idalom nga panapton, kag may pilas sa ulo tuga sang pagpanglampos.
