Ginakasubo sang Commander sang 302nd Infantry Brigade sang Philippine Army nga indi pagkuhaon sang pamilya ang bangkay ni Vince Francis Dingding apisar sang ila effort nga ginhimo.
Madumduman nga ginkumpirmar sang pamilya ni Vince Francis Dingding nga ila ini himata paagi sa video call.
Sa interview sang Bombo Radyo kay BGen Jason Jumawan, Commander sang 302nd Infantry Brigade, ginpanindugan sang pamilya ni Dingding nga indi gid nila pagkuhaon ang bangkay kag naghingyo nga ang Cauyan Local Goverment Unit nalang ang magpalubong kag ila lang ini pagabisitahon.
Suno kay Jumawan, nakita gid sang mga kapulisan nga indi gid luyag sang pamilya nga i-claim ang bangkay ni Dingding apisar nga ginhambalan na nga ang Cauyan LGU na ang magagastos sa tanan kun magpasugot nga idul-ong ang bangkay sa Cebu.
Ginkumpirmar sang pamilya ni Vince Francis Dingding nga ila ini himata paagi sa video call.
Madumudman nga si Dingding ang isa sa lima ka napatay sa engkwentro sa banwa sang Cauayan.
Sa interview sang Bombo Radyo kay LtCol. Norborto Barniso, hepe sang Cauayan Municipal Police Station, ginapa-schedule pa ang lubong ni Dingding apisar nga positibo na ginkumpirmar sang pamilya sini ang bangkay.
Bangud suno diri, gina-require sang kapulisan nga dapat may ara sang authorization letter nga halin sang pamilya nga napirmahan na nga nagapahanugot sa Cauyan Local Government Unit nga magpaubong sang ila himata.
Sa karun, nagkoordinar na sila sa Cebu City Police Station nahanungod sa authorization letter gikan sa pamilya agud mapalubong na ang bangkay ni Dingding sa banwa sang Cauayan.
