Nakuha sang Region 8 ukon Eastern Visayas ang pinaka-una nga gold kag silver medal sa Palarong Pambansa 2026.
Nakuha ni Chrishia Mae Tajarros ang gold medal kag nakuha naman ni Angel Lumacang ang silver medal sa secondary girls 3,000-meter run.
Sa interview sang Bombo Radyo kay Tajarros, nalipay ini nga madepensahan ang gold medal bangod siya man ang nagpanguna sa kaangay nga sport event sa Palarong Pambansa 2025.
Suno sa 14 anyos nga athlete, nakacompete naman siya sa luwas sang pungsod bilang representative sang Pilipinas.
Suno kay Tajarros, nagbunga ang tanan niya nga training kag kabudlayan nga naagyan kasunod sa pagdaog niya sang gold medal.
Suno pa diri, nagabatyag pa ini sang sakit sa iya paa bangod sa mga pagbag-o sa iya training.
Dako ang pagpasalamat ni Tajarros sa Ginoo, sa iya pamilya kag tanan nga nagasuporta sa iya.
