Ginhingyo sang Office of the Ombudsman sa Sandiganbayan nga magpagwa sang precautionary hold departure order batok kanday Senator Rodante Marcoleta, anay Anakalusugan party-list Rep. Mike Defensor, kag duha ka negosyante angot sa ginaalegar P75 million campaign donation para sa kandidatura ni Marcoleta sa 2025 elections.
Santo sa rekomendasyon sang mga field investigator sang Ombudsman, dapat kasuhan sang kaso nga plunder kag indirect bribery sanday Marcoleta, Defensor, kag mga negosyante nga sanday Joseph Varias Espiritu, kag Aristotle Baluyut Viray.
Santo sa imbestigasyon, ginaalegar ginbaton ni Marcoleta ang kabug-usan nga P75 million campaign donations sa tatlo ka separado nga adlaw, nga makabig nga “gift” nga posible malakip sa kaso nga plunder sa idalom sang anti-graft laws.
Ginpanginwala naman sang senador ang tanan nga alegasyon sa iya nga privilege speech kahapon kag ginlaragway bilang “politically motivated” ang kaso.
