Gin-ako sang actor nga si Joshua Garcia nga tubtob subong indi sa gihapon siya komportable maghimo sang mga love scene apisar nga 12 ka tuig na siya sa showbiz.
Ini matapos nag-trending sa social media ang love scene sang actor kag sa iya screen partner nga si Ivana Alawi sa ila nga movie series.
Pahayag sang actor nga indi pa siya komportable nga magpakita sang iya nga lawas sa atubang sang camera.
Dugang pa ni Joshua, kis-a ginahambalan niya ang mga cameraman agud malikawan ang pila ka mga anggulo nga kuha.
Ginpakigbahin man ni Joshua nga kun nagahimo siya sang love scene, ginapaminsar niya nga siya mismo ang character agud mas mangin matuod ang iya pag-acting.
Samtang, ginpahayag sini nga dako ang bulig ni Ivana sa ila nga eksena bangud open ini rason nga nangin manami ang ila chemistry sa ila movie series.
