Ginpahayag sang human rights lawyer nga kaangay nga potilical suicide ang tuman nga pagka-loyal sang isa ka pulitiko kun sa diin handa sila magrisgo para lamang madismiss ang kaso sang ila ginasuportahan nga opisyal.
Sa interview sang Bombo Radyo Bacolod kay Atty. Cesar Beloria, mahimo nga ginapreparahan na ang posibilidad nga may yara sang Senador nga makasohan amo nga ginaduso nga pahanugotan ang online participation may kaangtanan sa impeachment case ni Vice President Sara Duterte.
Suno diri may ginfile na ang Office of the Ombudsman nga plunder kag graft case batok kay Sen. Jinggoy Estrada, kag may yara pa sang iban nga Senador nga posible mapasakaan sang kaso kaangay sanday Sen. Joel Villanueva, Sen. Chiz Escudero, kag Sen. Rodante Marcoleta.
Suno kay Beloria, wala sang pagbag-o sa requirement kun mangin Senator judges ang mga Senador sa impeahcment case sang bise presidente kag kinahanglan sa gihapon ang 16 ka boto para maconvict ini kun may yara man siya sang bayolasyon .
Suno pa diri, bisan pa nga may mapreso nga Senador wala sang pagbag-o sa kinahanglan nga boto para may conviction bangod kun indi ini malab-ot mahimo nga ma-acquit si Duterte sa kaso.
Pahayag sini, makabig nga suicide move ang ginahimo sang Senador kun wala sila nagatrabaho para sa tawo ukon bilang Senador sang republika bangod ini mahimo magresulta sa pag-ibwal sang mga tawo batok sa gobyerno.
