Nadakpan na ang ikaduha nga pugante nga suspect sa shooting incident sa Brgy Mambulac, Silay City kadungan sang eleksyon sang Mayo 12, 2025 kun sa diin duha ang napatay kag may walo nga napilasan.
Madumduman nga tatlo ang suspect sa shooting incident sa mga volunteers sang Team Ugyon nga nagamonitor sa nagaserbe nga meeting place sang Team Asenso, bangod sa alegasyon sang vote buying.
Tatlo ang suspect nga ginalakipan ni Punong Barangay Arnie Benedicto sang Brgy Lantad, Silay City, nga gilayon nga nagsurrender matapos sang krimen; apang ang duha sini nga kaupod ang nagpalagyo.
Una nga naaresto ang isa sa mga at large paagi sa pagserbe sang warrant of arrest sang Abril 30.
Ini ang ginkilala lamang nga si Alyas Jose, 32 anyos, kasado, wala sang trabaho, residente sang Hacienda Grande, Brgy Robles, La Castellana.
Kahapon, naaresto naman ang isa pa ka suspect nga ginakonsiderar na nga No. 1 Most Wanted Person sa Regional level.
Ini amo si Alyas Clar, 43 anyos, single, wala sang trabaho, kag residente naman sang Proper Brgy Robles, La Castellana.
Si Clar ang nadakpan sa Purok Paho, Barangay Rizal, Silay City.
Ang suspect ang mangatubang sang kaso nga 6 counts sang Frustrated Murder, kag 2 counts sang Attemted Murder.
