Opisyal na nga nagbukas ang pagselebrar sang Bacolod Chicken Inasal Festival kahapon kag magadugay tubtob sa Mayo 31.
Sa interview kay Bacolod City Mayor Greg Gasataya, si Councilor Celia Flor kag si Councilor Jason Villarosa ang naghikutar agud nga matigayon ang selebrasyon sang nasambit nga festival subong nga tuig.
Suno kay Gasataya, may yara sang tatlo ka festival venues apang may isa lamang ka tinutuyo amo ang pagselebrar sang Chicken Inasal Festival humalin sang napasar ang ordinansa sang 2009.
Dugang pa sang alkalde nga ang importante nga mangin consistent lamang ang aktibidad sa pagselebrar sang Chicken Inasal, samtang nakapadala naman sila sang sulat sa United Nations agud nga kilalahon ang Bacolod Chicken Inasal Festival sa field sang Gastronomy sa 2027.
