Nagdangop sa Bombo Radyo ang tag-iya sang ido agud nga magapanawagan sa City Veterinarian Office sang La Carlota City nga nagkuha sang nasambit nga ido sa evacuation center sang Barangay Yubo, La Carlota City nga ibalik ang ila sapat bangud indi ini stray dog ukon layaw nga ido.
Sa interview sang Bombo Radyo kay Angelou Legaspi, nagapanag-iya sa ido, ang ila ido ang indi layaw kag gindala lang nila ini sa evacuation kun diin sila nagatinir sa karun matapos gin-evacuate bangud sa pag-lburuto sang Bulkan Kanlaon kag bangud sa pagpanalasa sang bagyo sang nagligad nga tuig.
Suno kay Legaspi, madamo man sang ido sa evacuation center kag wala man ini nakakagat bangud tuman man ini ka hagop nga ido apang ginkuha ini sang city vet bangud ginpahayag nga stray dogs ini.
Nagahilibion ang bata sini sang ginkuha ang ido bangud ini kahampang sini sa evacuation center.
Suno diri ginpakatuan niya sa iya bana sa city vet kag ini ang ginpakuha sang certification sa Barangay Yubo kag sang nakakuha na ang iya bana nagbalik ini sa nasambit nga opisina apang wala na sang tawo kag may napaskil sagwa sang opisina nga nagwa ang mga ini para magpaligo ukon outing.
Emosyonal ini nga nagpanawagan sa City Veterinarian Office sang La Carlota nga ibalik ang ila ido bangud indi ini layaw kag disiplinado ini kag ang ido ang kahampang sang iya bata.
Nagapangabay ini nga mabalik ang ido nga ila gin atipan kag ginpalangga sa sulod na sang isa ka tuig.
