Nalutos ang Volleyball Secondary Girls sang Bacolod Tay Tung High School sa hampang sa tunga sang Negros Island Region kag National Capital Region sa Volleyball Secondary Girls Finals sang Palarong Pambansa 2026.
Nakuha sang NIR-Visayan Vipers ang kadalag-an sa 1st set sa score nga 25-22.
Apang antes matapos ang una nga game, ginpagwa sa court ang key player nga si Rhose Viane Almendralejo matapos maka-angkon sang injury.
Kasunod sini, nakuha na sang NCR ang sunod-sunod nga set sa score nga 14-15, 19-25, kag 18-25.
Bangod sini, nakuha sang NCR ang gold medal, samtang silver medalist naman ang mga pambato sang Bacolod Tay Tung High School.
Sa interview sang Bombo Radyo Bacolod sa team captain nga si Brianna Nikola Ang, sila ang nasubuan apang batun nga ang kapierdihan ang kabahin sang hampang.
Ini na ang ulihi nga Palaro ni Brianna bangod siya ang magradwar na.
Aminado man ini nga sila ang lamharon pa kag kulang pa sa experience.
Suno kay Brianna, nasubuan sila sang na-injury si Almendralejo, apang nagapati ini nga may rasun kun ngaa ini ang natabo.
Ginpasalamatan man sini ang ila mga coach, kag tanan nga nagsuporta sa ila sa bilog nga hampang.
