Patay ang 41-anyos nga lalaki matapos ginbuno sang iya kaupod sa pag-inom sang makahulubog nga ilimnon sa Sitio Palayan, Barangay Cabadiangan, Himamaylan City alas-3:45 kahapo sang hapon, Mayo 30.
Ginkilala ang biktima nga si alyas “Archie”, 41-anyos, lalaki samtang ang suspect naman ang ginkilala nga si alyas “Rico”, lalaki, kasado, truck driver lunsay mga residente sang Barangay Cabadiangan, Himamaylan City.
Suno sa pahayag ni alyas Elizabeth, live-in partner sang biktima, alas-3:45 sang hapon sa amo nga adlaw, naga-inom sang makahulubog nga ilimnon ang biktima sa balay ni alyas “Keloy” kaupod sanday alyas Joemarie, alyas Judy, kag ang nasambit nga suspect.
Samtang, nagapanit sang mangga si alyas “Archie” , gin-akusaran siya ni alyas “Rico” nga nagapamahog gamit ang patalom.
Bangud sini, nagsabtanay ang duha kag hinali nga ginbuno sang suspect ang biktima sa nawala nga bahin sang iya likod.
Nahimo pa nga magpadalagan ni alyas “Archie”, apang ginlaot siya ni alyas “Rico” kag sang naabtan siya sang sini liwat siya nga ginbuno kag na-igo sa natuo nga bahin sang iya nga liog.
Gilayon nga gindala ang biktima sa ospital apang gindeklarar nga dead on arrival.
Samtang, nagpalagyo naman ang suspect matapos ang krimen.
Padayon ang pursuit operation sang Himamalaylan City Police Station sa pagdakop sang suspek.
