Patay ang motorcycle rider matapos nga nakabunggo sa isa ka salakyan kasunod sang pag-overtake sini sa atubang sang Triumph Hardware, Araneta St, Brgy. Sum-ag, Bacolod City kahapon sang udto.
Sa interview sang Bombo Radyo Bacolod kay Police Major Elmer Bonilla, pinuno sang Bacolod City Police Office-Traffic Enforcement Unit, sa pagpangusisa sang imbestigador ang Vehicle 1 ukon ang Rusi Flash 150cc MC nga ginamaneho ni Joshua Gil Suarez, legal age, male, filipino and a resident of Sitio Minasug-ang, Brgy. Tabun-ac, Toboso, Negros Occidental ang nagabiyahe sa south to north nga direksyon.
Nag-overtake ang motorsiklo kag nakabunggo sa Hyundai Stargazer nga ginamaneho ni Alfredo Chua nga residente sang Barangay Villamonte samtang nagabiyahe sa north to south nga direksyon.
Bangud sa impact nagtabog ang driver sang motorsiklo rason nga nakabunggo sa Toyota Yaris Cross Suv nga ginamaneho ni Mark Angelo Vacaro nga residente sang Barangay Calumanggan, Bago City.
Suno kay Bonilla, gindala pa sa South Bacolod General Hospital si Suarez apang siya ang gindeklarar nga dead on arrival bangud sa samad nga naangkon.
Ang driver sang Stargazer ang nakaangkon sang samad kag gindala man sa ospital agud nga madapatan sang nagakaigo nga pagbulong.
Ang tatlo ka salakyan nga imbulbado sa aksidente ang gindala sa sa Bacolod Police Station 9 kasubong man ang driver sang SUV para sa dugang nga imbestigasyon kag nagakaigo nga disposisyon.
