Nabutang sa katalagman ang kabuhi sang isa ka “bride” sa Palimbang, Sultan Kudarat matapos matukiban nga ini amo isa ka biological male sa isa ka Muslim Wedding.
Santo sa report, ginkilala ang bride nga si “Sophia” nga sa ulihi gindala sa kapulisan matapos ang insidente.
Gin-ako ni Sophia nga isa ini ka myembro sang LGBTQ kag ginbuyagyag niya nga nagkarelasyon sila sang groom nga nakilala sini online.
Apang, sang nahibaluan ang iya matuod nga pagkatawo, ginaalegar ginsakit siya sang mga himata sang groom kag gintayaan sang armas-luthang.
Sa pihak nga bahin, lain man ang kamatuoran sang groom nga si Ali.
Suno diri, wala ini sang ihibalo sa matuod-tuod nga sekswalidad ni Sophia kag gin-akusaran ini nga manug-into.
Padayon nga gina-imbestigaran ang insidente samtang ginatun-an pa ang posible nga ipasaka nga kaso batok sa mga imbolbado.
