Ginpahayag sang actor nga si Coco Martin nga makapila na nga beses siya nga gin-agda nga magpapili sa pampubliko nga posisyon apang nagapabilin sa gihapon ang iya nga sabat nga wala siya sang interes.
Pahayag sang actor, halos kada election, masami siya nga ginapamangkot angot sini apang nagapangindi siya bangud wala siya sang interes.
Suno kay Coco, nakita niya kun ano ka budlay kag mas luyag niya nga magbulig sa publiko sa kaugalingon niya nga pamaagi sangsa magsulod sa pulitika.
Dugang pa sini, indi niya luyag nga ibutang ang iya kaugalingon sa pulitika bangud suno sa iya, posible nga hatagan ka sang importansya sang iban apang mahimo man nga gub-on ka sang iban.
Paathag ni Coco, mas luyag niya nga magpangabuhi nga simple kag malinong kaupod ang iya nga karelasyon nga si Julia Montes.
Bangud suno diri, sa simple nga pamaagi, mas makabulig siya sa madamo nga Pilipino.
