Normal lamang sa isa ka tawo nga mangin emosyonal kun bulagan sang ila nga asawa ukon bana.
Apang ang 48-anyos nga lalaki sa Pennsylvania ang tuman nga nangakig sang nahibaluan niya nga nag-file ang iya asawa sang divorce kag nagmaneho ini sang excavator agud gub-on ang ila nga balay samtang yara pa sa sulod ang iya asawa kag ang duha niya ka bata nga babayi.
Sang ginhambal sang asawa ni Eric Pierwsza, nga tapos na ang ila pag-updanay kag nag-file na siya sang divorce, wala na ini naglaum nga mangin maayu ang reaksyon sang iya bana.
Apang, nakibot na lamang siya nga literal sini nga gub-on ang ila nga balay.
Matapos ang isa ka gab-i nga pag-inom sang makahulubog nga ilimnon, gingamit ni Eric ang isa ka construction excavator agud gub-on ang ila nga balay.
Samtang, gilayon naman nga nagtawag sang bulig sa 911 ang asawa sang nabatian ang pagdemolish sang ila balay
Wala naman sang may nasamaran sa insidente.
Matapos nga naguba sang likod nga bahin sang ila nga balay, nagsulod si Eric kag ginkuha ang iya nga gym bag kag nagpadulong sa banwa kun sa diin didto na siya nadakpan sang mga kapulisan kag gindala sa kustodiya.
Nagapangatubang ini sang pila ka mga kaso nga kriminal, lakip na ang causing a catastrophe, reckless endangerment kag disorderly conduct.
Apisar nga mahimo pa nga maayu ang ila nga balay, ginpahayag sang mga imbestigador nga tuman ang halit sa istruktura.
Gani, kinahanglan na nga gub-on ang bilog nga balay para sa kaluwasan sang tanan.
