Sa boto nga 265 pabor, 14 negative kag 8 abstention, opisyal na nga ginpahalin si Cavite 4th District Representative Francisco Barzaga bilang miyembro sang House of Representatives.
Ini kasunod sa rekomendasyon sang House Committee on Ethics nga pagpahalin kay Barzaga bangud sa ginapahayag padayon nga “disorderly behavior.”
Ginpahayag ni Ethics Committee Chairman JC Abalos, indi nangin maayu ang pamatasan nga ginapakita ni Barzaga sa kaupod sini nga mamalidha.
Pila sa mga paglapas sang mamalidha amo ang Repeated interruption of plenary sessions; mockery of leadership nga ginalakipan sadto ni anay House Speaker Martin Romualdez kag Unauthorized kag slanderous live broadcast sang ginapatigayon ang budget plenary sessions.
Antes ang nasambit nga botohan, ginalauman na ni Barzaga nga siya ang pagakakson bilang mamalidha.
Madumduman nga makaduha na nga beses nga ginsuspender sa sulod sang 60 ka adlaw ang 27-anyos nga si Barzaga bangud sa social media post sini nga naga-akusar sang nagkalain-lain nga krimen batok sa kaupod nga mamalidha kag pila ka mga mataas nga opisyal sang gobyerno.
