Ginpahayag ni Vice President Sara Duterte ang panawagan para sa “independence” sang mga institusyon nga inisyal na nga ginpahayag ni Senate President Alan Peter Cayetano kasunod sang pag-aresto kay Senator Jinggoy Estrada para sa kaso nga plunder may kaangtanan sa flood control scandal.
Sa isa ka video statement kahapon, Hunyo 2, nagapati ang Bise Presidente nga dapat proteksyunan ang kahilwayan sang mga institusyon kalakip na indi lamang ang Senado kag House of Representatives kundi mangin ang kada Senador kag myembro sang Kamara.
Dugang pa, mas ginatutukan subong sang gobyerno ang pagpamulitika kag paghimo sang mga tikang agud madula ang atensyon sa anomaliya sa flood control projects kasubong man sang pagduso sang mga pagbag-o sa Konstitusyon ukon ang ginaalegar nga charter change sangsa mga isyu nga dapat hatagan sang gilayon nga solusyon.
