Nagtaliwan na si Rick Adelman, ang beterano nga coach nga nakrecord sang masobra 1000 nga kadalag-an sang iya team sa Naismith Basketball Hall of Fame career sa edad nga 79.
Ini ang gin-anunsyo sang National Basketball Coaches Association (NBCA) sang Lunes.
Ika-10 si Adelman sa maragtas sang NBA sa pinakamadamo nga nagdag-an bilang head coach.
Sa sulod sang 23 ka season bilang head coach sang Portland Trail Blazers, Golden State Warriors, Sacramento Kings, Houston Rockets, kag Minnesota Timberwolves, nakarecord si Adelman sang 1,042 wins.
Napasulod siya sa Naismith Basketball Hall of Fame sang 2021 kag ginpasidunggan sang Chuck Daly Lifetime Achievement Award sang NBCA sang 2023.
Suno sang pahayag sang NBCA, si Adelman ang indi lamang coach kag player kundi bilang isa man ka mentor sa madamo nga player sa basketball commnunity.
Nakig-unog naman ang NBCA kag naghatag sang pangamuyo sa nagkalisod nga pamilya sini.
Sa karun, wala pa sang ginpaggwa nga pahayag angot sa rason sang iya pagkamatay.
