Nagpungko na bilang acting Senate President kag Senate President Pro-Tempore si Senator Sherwin Gatchalian kun sa diin ginbuslan sini si Senator Loren Legarda.
Si Gatchalian ang ginbutang matapos nga ang upper chamber ang nakalab-ot sang quorum kasunod sang pag-abot ni Senator Chiz Escudero.
Si Escudero ang nagaisahanon halin sa majority bloc nga nagtambong sa Plenary session matapos ang duha ka adlaw nga wala sang natabo nga session sa Senado bangud sa padayon nga pag-absent sang majority bloc.
Samtang ginkilala naman sang Malacaniang ang pagbag-o sang liderato sa Senate kun sa diin nagpungko si Senator Sherwin Gatchalian bilang bag-o nga acting Senate President.
Samtang ginbuslan naman ni Sen. Migz Zubiri si Sen. Joel Villanueva bilang Senate Majority Floor Leader.
Antes pa man ang pagpungko ni Senator Win Gatchalian bilang Senate President kag Senate President Pro-Tempore nag-abot si Senator Chiz Escudero rason nga naghinugyaw ang mga nagtambong sa Senado.
Bangud kay Escudero nalab-ot sang mga Senador ang quorum gani nagpadayon ang session.
Samtang liwat nga ginpili bilang Senate secretary kahapon si Renato “Rey” Bantug Jr., samtang si Police Maj. Gen. Alfred Sotto Corpus ang ginbulos kay Ma O. Aplasca bilang Senate sergeant-at-arms.
