Ginpili bilang bag-o nga chairman sang Senate Blue Ribbon Committee si Senator Erwin Tulfo kasunod sang re-organization sa Senado.
Ginbuslan ni Tulfo si Senator Pia Cayetano, nga anay nagapamuno sa committee.
Ang Senate Blue Ribbon Committee ang isa sa nagapanguna nga committee sa Senado nga nagapatigayon sang mga imbestigasyon may kaangtanan sa issues sa paggamit sang pondo sang pungsod.
May yara man sang ginpili bilang bag-o nga chairperson sang Senate committees ini matapos nga nagmosyon si Senate Minority Leader Vicente Sotto III nga ideklarar nga bakante ang tanan nga elected positions sa Senado.
Ginpangunahan ni Senate Majority Leader Juan Miguel Zubiri ang pagmosyon kag wala man sang nagpamalabag.
Ang magapamuno sa Committee on Finance amo si Senator JV Ejercito; Committee on National Defense and Security, Peace, Unification and Reconciliation pamunuan ni Senator Tito Sotto; Senator Panfilo Lacson ang magapamuno sa Public Order and Dangerous Drugs, Accounts; magluwas sa Blue Ribbon Committee pamunuan man ni Senator Erwin Tulfo ang Social Justice, Welfare and Rural Development; pamunuan ni Senator Raffy Tulfo ang Public Services.
Samtang liwat naman nga pamunuan ni Senator Bam Aquino ang Basic Education; Committee on Agriculture, Food and Agrarian Reform naman ang pamunuan ni Sen. Kiko Pangilinan.
Ang Committee on Health and Demography ang pamunuan ni Senator Risa Hontiveros samtang ang Committee on Games and Amusement ang pamunuan ni Senator Lito Lapid.
Ang Committee on Urban Planning, Housing and Resettlement ang pamunuan ni Senator Chiz Escudero kag pamunuan ni Sen. Juan Miguel Zubiri ang Committee Foreign Relations, Rules.
