Gin-anunsyo ni Senator Erwin Tulfo nga magapadayon ang imbestigasyon sang Senate Blue Ribbon Committee angot sa kontrobersyal nga flood control projects sa Lunes, Hunyo 8.
Nahibaluan nga si Tulfo ang ginpili bilang bag-o nga Senate Blue Ribbon Committee Chairperson nga nagbulos kay Sen. Pia Cayetano.
Suno kay Tulfo may yara sang Blue Ribbon Committee hearing sa Lunes kag ginsaylo lang nila ang gintalana nga petsa sabaylo nga subong nga adlaw, agud nga makapreparar ang tanan nga miyembro.
Suno kay Tulfo nga tanan nga Senador, yara man sa majority ukon minority bloc, ang mangin miyembro sang nasambit nga Committee.
Una na nga ginpahayag ni Senator Pia Cayetano nga padayunon ang imbestigasyon angot sa flood control scandal bwas nga adlaw, Hunyo 4.
Nahibaluan nga nalakip sa mga gin-imbitaran sa hearing si former Speaker kag Leyte 1st District Rep. Martin Romualdez kag ang 18 ka mga nagpakilala nga former personnel sang Philippine Marines.
