Gindayun ang Senate Blue Ribbon Committee hearing angot sa flood control anomalies sang grupo nanday Senate President Alan Peter Cayetano.
Ini sa pihak sang pahayag sang kampo ni Senate President Pro Tempore Sherwin Gatchalian nga sa Lunes na lamang padayunon ang hearing sa pagpanguna sang gin-eliher nila nga bag-o nga chairperson sang Blue Ribbon Committee nga si Senator Erwin Tulfo.
Suno kay Gatchalian, indi sini suportado ang ginarekomendar sa pagpadlock sang pila ka pasilidad sa Senado.
Apang ini ang nagpagwa man sang mandato nga nagasuspender sang oras sang opisina sa Senado sang tubtob lamang alas-10:00 sang aga.
Ang flood control hearing ang ginpangunahan ni Senator Rodante Marcoleta.
Luwas kay Senate President Cayetano, ginakabig man ni Senator Pia Cayetano nga indi legal ang session kahapon nga nagresulta sang pagbag-o sang liderato.
Nagpahayag naman si Senator Loren Legarda nga siya ang buhi kag indi artificial intelligence (AI) sa panindugan nga siya gihapon ang chairwoman sang Senate Blue Ribbon Committee.
