Ginpahayag sang resource person nga si Bernard Gumban nga makaduha na ini nga nagdul-ong sang mga maleta nga may unod nga kwarta kay Senator Erwin Tulfo.
Suno kay Gumban, miyembro sang 18-ex Marines, duha ka maleta ang una niya nga gindeliver.
Pahayag sini nga mga gagmay nga maleta ang masami naga-unod sang kapin P20 million tubtob P25 million, samtang ang medium size nga maleta ang mahimo mag-unod sang P40 million tubtob P50 million.
Suno diri, ang una nga delivery ang may kabug-usan nga balor nga nagadangat sa P60 million tubtob P70 million.
Sa ikaduha nga kahigayunan, ginpahayag ni Gumban nga anom naman ka maleta ang iya nga gindeliver.
Sa pagbanta sini, ang kabug-usan nga nadeliver ang mahimo nagdangat na sa P150 million.
Pahayag sang resource person nga ang nasambit nga mga maleta ang gindul-ong niya sa balay ni Senator Tulfo sa Greenhills.
