Nagbaylohanay sang mga pag-atake ang pwersa sang gobyerno kag mga oposisyon sa may bahin sang Mogadishu, sa Somalia matapos nagsaka ang tensyon kag naglala ang kinagamo bangud sa delay sa eleksyon.
Nag-umpisa ang tensyon matapos ginpalawig sang isa pa ka tuig ang administrasyon ni President Hassan Sheikh Mohamud, nga ginpamatukan sang kadam-an bangud naglapas ini sa Konstitusyon.
Nagpatigayon naman ang mga otoridad sang “large-scale security operation” batok sa mga armado nga grupo sa pila ka bahin sang nasambit nga lugar.
Nangin malinong naman ang sa bahin sang capital sang Somalia apang mabatian ang mga linupok sa mga distrito.
Sa karon, wala pa sang opisyal nga numero sang pilason ukon ginbawian sang kabuhi.
Samtang nagapanawagan naman ang pila ka mga global organization para sa kalinong kag pagresolba sang krisis sa pulitika sa nasambit nga pungsod.
