Nagpaandam si Sen. Erwin Tulfo nga mahimo ipaaresto niya ang mga senador nga nagpatigayon sang hearing sa Senate Blue Ribbon Committee nga wala sang approval nagikan sa iya, bilang lehitimo nga chairman sang komitiba.
Ini ang ginpahayag sang Senador kasunod sang ginpatigayon nga hearing sang Cayetano bloc sang Hunyo 4, kun sa diin ginpangunahan ini nanday Sen. Pia Cayetano kag Sen. Rodante Marcoleta.
Madumduman nga nagtestigo ang pila ka mga miyembro sang nagpakilala nga Philippine Marines kag gin-akusaran ang pila ka mga pulitiko kag indibidwal nga nagbaton sang male-maleta nga kwarta.
Nalakip sa mga ginhingadlan si Sen. Erwin Tulfo kag anay senate presidente Vicente Sotto III.
Ginpanginwala man gilayon ni Tulfo ang alegasyon kag sa karon nagapreparar na agud magpasaka sang kaso batok sa mga “ex-Marines”.
Ginpanindugan man ni Tulfo nga peke ang hearing kag indi otorisado.
