Abo sang napatay nga hinuptan nga ido, ginpamiksla sang agalon sa tinta nga gingamit sa iya eyeliner tattoo

Isa ka makeup artist ang nakapaminsar sang pinasahi nga pamaagi agud magpabilin nga malapit sa iya ang iya pinalangga nga ido.

Ginkilala ang make-up artist nga si Claire Hobson sang United Kingdom.

Suno kay Hobson, nagtaliwan ang iya ido nga si Patch nga naga-edad 20.

Suno diri, indi niya mabiyaan ang abo sang iya ido kun ini ang magasaylo na sa Dubai.

Bangud sini, ginpamiksla niya ang abo ni Patch sa tinta sang iya nga semi-permanent eyeliner tattoo.

Ginpahayag ni Hobson nga ang iya ido ang nagasimbolo sang sinsero nga paghigugma.

Apang indi permanente ang eyeliner tattoo, mahimo ini maglawig sang pila ka tuig kag may nabilin pa man si Hobson nga abo ni Patch para sa mga masunod nga retouch.