Nangin magutok ang mga balaligyaan sang school uniforms sa Bacolod Downtown area kaina sang aga karun nga nagahilapit an ang opening sang klase.
Sa interview sang Bombo Radyo Bacolod kay Christina Diocadiz, retailer sang school uniforms sa Gatuslao Street, nagsaka sang kapin P10 ang ila nga presyo subong nga tuig.
Ini bangod gikan pa sa Manila ang ila nga supply kag nagdako man ang gasto sa transportation cost bangod sa pagsaka sang presyo sang gatong.
Sa karun, ang presyo sang pants, polo, blouse, kag palda ang nagarange sa P150 tubtob P300.
Mas madamo naman sang mga nagabakal sang uniform para sa babayi.
Apang aminado si Diocadiz nga mas dyutay ang mga bumalakal subong nga tuig kun ikumparar sang tinalikdan.
Pasalig naman sini nga sila ang nagapaayo man sa mga manugbakal.// Sila ang nagabaligya naman sa area halin alas-7:00 sang aga tubtob alas-6:00 sang gab-i.
