-- ADVERTISEMENT --
Ginbawian sang kabuhi ang duha ka indibidwal samtang 11 naman ang pilason matapos ang airstrike sang Israel sa isa ka sibilyan nga komunidad sa nabagatnan sang Beirut, suno sa Lebanese National News Agency.
Narecord ang tatlo ka mabaskog nga paglupok.
Suno kay Israeli Prime Minister Benjamin Netanyahu kag Defense Minister Israel Katz, target sang operasyon ang kuta sang grupo nga Hezbollah.
Kadungan sini, natalana nga ilubong ang tatlo ka suldado nga Lebanese nga napatay sa separado nga pag-atake sang Israel sang tinalikdan nga Sabado.
Ginkondenar sang Lebanon ang mga pag-atake samtang nagapadayon gihapon ang tensyon sa tunga sang Israel, Hezbollah, kag Iran apisar sang ceasefire deal.
-- ADVERTISEMENT --
