Magahinun-anon si Negros Occidental Provincial Governor Eugenio Jose “Bong” Lacson sa Bureau of Fisheries and Aquatic Resources agud talakayon ang mga butang nga dapat himuon agud nga mabalik ang pagsalig sang US Market matapos ang pagban sa blue crab exports.
Sa interview kay Lacson, magluwas sa BFAR magahinun-anon man ini sa mga stakeholders sa katapusan sang bulan agud nga talakayon ang mga pamaagi agud nga mabalik ang pagsalig sang US Market sa Pilipinas sa liwat nga pagbaton sa gin-export sang Pilipinas nga blue crab.
Dugang pa ni Lacson, ang mga stakeholders mismo ang nagsulat sa probinsya agud nga magpangayo sang bulig may kaangtanan sa nasambit nga problema.
Sa karun magadihon sila sang proposal agud nga makahimo sang tikang kag masolusyonan ang ginapangatubang nga problema sang mga naga-export sang blue crab.
