Gin-aprubahan na sang Sangguniang Panlungsod sang ciudad sang Bacolod ang tatlo ka bulan nga extension para sa mga vendors sang Asenso Market sa Barangay Alijis, Bacolod City.
Madumduman nga gindagdagan sang notice to vacate ang mga vendors bangod wala sila nagproseso sang special permit bisan nga gin-aprubahan ang ila nga request nga makabaligya sa lugar.
Suno kay Councilor Celia Flor, Chairperson sang Committee on Markets and Slaughterhouse, gin-aprubahan ang extension para sa 31 ka mga vendors bangod indi man mahimo nga madulaan sila sang palangabuhian.
Suno diri, may negosasyon na sa Bacolod Girls Home nga kun pwede baklon ang propedad sa tupad sang ila building para makaplastar sa husto nga lokasyon ang mga vendors.
Pa-athag sini basta may yara sang special permit dapat mabayad gid ang mga vendors sa ciudad kag dapat ihitso sang barangay council ang permit para sa extension.
