Ginasuportahan sang Sangguniang Panlungsod sang Bacolod City ang pagpasaka sang sweldo sang mga manunudlo.
Sa interview sang Bombo Radyo Bacolod kay Councilor Atty Caesar Distrito, acting vice mayor sa Bacolod City, nagpasar ang Sangguniang Panlungsod nga nagasuporta sa pagpasaka sang sweldo sang mga teachers kag paagi sa suporta ni Deputy House Speaker kag Bacolod City Lone District Representative Albee Benitez ang tanan nga pending nga hagna para sa pagpasaka sang sweldo sang mga manunudlo ang maaprubahan.
Suno kay Distrito, ang rason sang resolusyon amo nga mas manubo nga take home pay sang mga manunudlo.
Natuman na ang isa ka ginahandom sadto nga mahatagan sang dako nga pondo ang sektor sang edukasyon.
Suno diri dapat mahatagan sang insakto nga sweldo ang mga manunudlo.
Ini bangud mangin wala pulos ang pagplastar sang maayo nga programa sa edukasyon kaangay sang feeding kag iban pa kung ang mga manunudlo ang gutom bangud sa gamay nga sweldo.
Ginpahayag man sini nga tuman na ka gamay sang ila take home pay bangud sa madamo nga loans.
Suno diri indi man sila makapangita sang sidelines bangud puno naman ang schedule sang mga ini sa pagtudlo.
Gani bilang bulig ginasuportahan sang mga ini hagna nga nagaduso nga mapasakaan sa P50,000 plus ang bonuses.
