Ginahulat nalang sang Negros Occidental Police Provincial Office ang desisyon sang pamilya nga magpasaka sang kaso batok sa New People’s Army nga nag-ako sa pagpatay sa ila mga himata sa pila ka banwa sa Negros Occidental.
Lakip sa ginpatay ang isa ka anay tanod sa banwa sang Calatrava kag isa ka kabo kag pastor sa banwa sang Binalbagan.
Sa interview sang Bombo Radyo Bacolod kay NOCPPO Spokesperson Police Captain Judesses Catalogo, may yara na sang person of interest ang Calatrava kag Binalbagan Municipal Police Station sa mga nagpatay sa mga biktima bangud ang insidente ang natabo mismo sa atubangan sang mga himata sang mga ginpamatay.
Ginpahayag man sini nga ginahulat na lamang nga mapalubong sang mga himata ang mga biktima kag magakooperar man ang mga ini sa imbestigasyon.
Ini agud mahatagan sang hustisya ang mga ginpatay sang mga ini nga himata.
Nakahanda naman ang mga ebidensya engkaso nga magapasaka ang pamilya sang kaso.
