Nagpanawagan si President Ferdinand Marcos Jr. sa mga Pilipino nga indi mag-untat sa paghigugma sa Pilipinas kag ipakigbato ini, kadungan sang pagselebrar sang “Araw ng Kalayaan” bangud sa sakripisyo sang mga baganihan sang Pilipinas.
Sa iya nga mensahe kahapon, gin-agda sang Presidente ang mga pumuluyo nga mas padalumon ang ihibalo kag mangin kritikal sa pag-usisa sa kamatuoran.
Ginpahayag man ni Marcos ang importansya sang patas nga pagpakigbato sa adlaw-adlaw nga wala ginahingalitan ang kabudlayan sang iban, kag pagpili sang ikaayo sang pungsod antes ang personal nga mga interes.
Suno kay Pres. Marcos, kun nagapabilin sa tagsa ka Pilipino ang ini nga mga prinsipyo, mapasiguro nga ang masunod nga henerasyon ang makaeksperyensya sang malig-on, patas, kag mauswag nga pungsod.
Gindayaw man ni Marcos ang talento, kapisan, kag kaayo sang mga Pilipino.
Sa madamo na nga tion, napakita sang mga Pilipino ang kinaiya sini, kapasidad nga manindugan para sa insakto, may pagkabalaka sa isigkatawo, kag nagabangon gid apisar sang mga pagtilaw.
