Madamo sang indi makapati kun paano na-survive sang 49- anyos nga lalaki nga may deperensya sa paminsaron ang pagtinir sa bukid sa sulod sang tatlo ka tuig.
Natigayon nga marescue si Ayi Solehudin sang Cianjur Regency sa Indonesia matapos ini makit-an sang mga tawo nga nagatsekyar sa ilig sang tubig sa suba matapos magbubo ang madamol nga ulan.
Suno sa mga rescuers, sang nakit-an nila si Solehudin, may kabudlayan ini sa pagtikab sang baba, indi maayo makalakat, tuman ka maniwang kag nakibot pa ini sang makakita sang iban nga tawo.
Nahibaloan nga ginreport nga missing si Solehudin sang iya pamilya tatlo ka tuig na ang nakaligad bangod nadula ini sang naglibot-libot sa bukid.
Pila ka beses naman may nagreport nga nakita nila si Solehudin apang pag-abot sang pamilya, indi na ini makit-an.
Suno sa pamilya, nag-umpisa magsuprer sang mental problems si Solehudin matapos magtaliwan ang ila ginikanan kag masami ini nagalagaw sa bukid.
