Gin-athag ni acting Senate President kag Senate President Pro Tempore Sherwin Gatchalian nga ang opisyal nga Blue Ribbon Committee sang Senado lamang ang ginakilala sang institusyon sa anuman nga imbestigasyon ukon hearing.
Suno kay Gatchalian, indi kilalahon sang Senado ang anuman nga parallel ukon separado nga hearing nga ipatigayunon sa gwa sang opisyal nga komitiba nga ginapangunahan ni Sen. Erwin Tulfo.
Paathag pa sang senador, seryoso nga isyu ang pagtumod kag pag-imbestiga sa korapsyon gani dapat ginapatigayon ini sa insakto nga proseso kag sa lehitimo nga forum sang Senado.
Nagpanawagan man si Gatchalian sa mga testigo kag mga resource persons nga makig-angot kag magtambong sa mga opisyal nga hearing sang Blue Ribbon Committee.
Ginpagwa ni Gatchalian ang ini nga pahayag matapos ang abiso ni Sen. Erwin Tulfo nga wala sang natalana nga official hearing ang komitiba subong nga adlaw, Hunyo 16, kadungan sang gin-anunsyar ni anay Congressman Mike Defensor.
