Imbes nga thrilling kag excitement ang ma-eksperyensyahan, trahedya ang natabo sa isa ka 21-anyos nga babayi sa Brazil matapos siya ginhulog gikan sa taytay sa isa ka rope jump activity nga wala natakod ang safety cord.
Ginbawian sang kabuhi si Maria Eduarda Rodrigues de Freitas matapos siya ginhulog sang mga rope jump instructors nga may kalayuon nga 40 meters gikan sa taytay apang nalipatan nga ikabit sa iya ang safety cord.
Sa mga video sang insidente sang Sabado nga naglapta online, makita nga ginpas-an sang duha ka mga lalaki ang biktima kag ginhulog gikan sa Skeleton Bridge, sa sulod sang São Paulo state.
Natukiban sang mga nagalantaw nga wala siya sang nakakabit nga safety mechanism gani nagsinggitan ang mga ini.
Nahibaluan nga ang safety equipment ang wala naseguro pagkabit kag ginpahayag nga ang biktima ang ginbawian gid sang kabuhi bangud sa impact sa pagkahulog sini.
Tatlo ka mga lalaki ang gin-aresto sa kaso nga ‘homicide with dolus eventualis’ nga nagakahulugan nga nakahibalo sila sa risgo sang ila nga himuon apang ginpadayon sa gihapon nila.
Antes ang insidente, nag-post si de Freitas sang laragway sang lugar sa iya nga Instagram Account nga may caption nga “Who was the crazy person who let me come jump off a bridge???”
