Ginpahalin na ang mga vendors nga wala sang permit sa pagbaligya sa North Capitol Road.
Sa interview sang Bombo Radyo Bacolod kay retired Police Col. Levi Pangue, team leader sang City Legal Enforcement Team, ginlibot sini ang area para mahibaloan kun sin-o ang wala sang permit nga nagabaligya.
Suno diri, ang mga basura sa palibot nga nagakit-an, amo ang mga basura sang vendors nga wala sang permit.
Suno kay Pangue, basta may yara sang permit ang vendors makapadayon sila sa pagbaligya basta sundon lamang ang layi kag sila ang magalibot-libot man sa area para magmonitor.
Sa kabug-usan, kapin sa 45 ka vendors ang may yara sang permit kag kapin sa lima lamang ang wala. Samtang….Indi na mahimo pa madugangan ang numero sang vendors nga makabaligya sa North Capitol Road.
Suno kay Bacolod City Administrator Atty. Mark Steven Mayo, 42 ka vendors ang may special permit kag indi na ini madugangan pa.
Suno diri, padayon ang ila monitoring sa area para mapatuman ang No Permit No Vending policy kasubong man ang oras sa pagbaligya sa area nga humalin alas- 6:00 sang gab-i tubtob alas- 10:00 sang gab-i.
Suno kay Mayo, wala anay sang pagbag-o sa status sang mga vendors sa North Capitol Road kag tskeyaron anay kun may ligwa pa sa area nga pwede ihatag sa mga nagpabutyag nga magabaligya man didto.
