Nangin positibo ang feedback sa ‘SAFE NIR Dial 911 Program’ base sa regional report, nga nagapakita sang pagsaka sang mga tawag sa 911 kag mas madamo nga madinalag-on nga police response, lakip na ang pagka-aresto sang mga suspek.
Sa interview sang Bombo Radyo Bacolod kay Police Brigadier General Romano Cardiño, Regional Director sang Negros Island Region, may dugang pa nga launching sang SAFE NIR sa Negros Occidental subong nga semana, samtang natalana naman nga maglunsyar sini sa Negros Oriental kag Siquijor.
Ginaduso sang ini nga inisyatiba sa koordinasyon sa mga lokal nga panguluhan kag mga stakeholders, nga kilalahon sang publiko ang 911 hotline bilang nagapanguna nga numero para sa gilayon nga police assistance kag mas madasig nga pagresponde.
