Nagpabutyag sang pagsuporta ang mga senador nga kabahin sang anay mayorya sa pagpanguna ni anay Senate President Alan Peter Cayetano matapos gin-elehir bilang bag-o nga Senate President si Sen. Sherwin Gatchalian kahapon.
Nakuha sang bag-o nga mayorya ang kinahanglan nga 13 ka boto matapos magsaylo si Sen. Joel Villanueva kag Sen. Francis “Chiz” Escudero sa paksyon ni Gatchalian.
Ginpanginbulahan ni Sen. Imee Marcos kag Sen. Loren Legarda ang bag-o nga mayorya kag sila ang nagpabutyag sang pagsuporta sa ila.
Ginkilala man ni Legarda ang legalidad sang 13 ka boto kag gindayaw ang kapasidad ni Gatchalian bilang lider.
Samtang, ginpahayag naman ni Sen. Bong Go nga amo ini ang kahulugan sang demokrasya kag nagalaum ang senador nga mabalik na sa normal ang tanan para sa kaayuhan sang pungsod.
Suno naman kay Sen. Pia Cayetano, wala ini sang isyu sa bag-o nga liderato.
Nangagda naman si Sen. Raffy Tulfo nga magmove-on na kag ipaiway ang indi paghangpanay agud makabalik na sa trabaho ang Senado.
Nagpangayo man ini sang pasaylo sa mga Pilipino sa natabo nga kinagamo sa Institusyon.
