-- ADVERTISEMENT --
Ginpahayag ni Senate President Sherwin Gatchalian nga wala pa naistoryahan sang mga senador kun sin-o ang magaserbe bilang presiding officer sa impeachment trial ni Vice President Sara Duterte.
Ini matapos nagpagwa sang statement si Sen. Panfilo “Ping” Lacson nga may preliminary agreement ang pila ka mga miyembro sang majority bloc nga i-appoint si Francis Escudero bilang presiding officer sang impeachment court.
Suno kay Gatchalian, base sa mga pagsulundan, ang Senate President sang Senado amo ang magapanguna sa mga trial magluwas kun ang Senado ang magapili kun sin-o ang magpamuno paagi sa botohay.
Natalana ini nga talakayon sang mga senador antes magtipon sa Hulyo 6 bilang impeachment court para sa trial sang bise presidente.
