Wala gin-aprubahan sang Election Registration Board ukon ERB ang 83 ka aplikasyon para sa voter registration sa Bacolod City. Suno kay Bacolod City Election Officer Atty. Katrina Trinio Caña, kalabanan sa mga na-disapprove ang may problema sa residency, sala nga registration type, ukon may aktibo na nga voter registration.
Madumduman nga may yara sang 42 ka aplikasyon sa Brgy 9 ang may opposition kag 6 lamang ang na approved samtang na disapproved naman ang 36.
Sa 23 naman ka mga applicants nga ginpa-summon sang COMELEC, 9 ang gin aprobahan kag 14 ang wala na aprobahan.
9 naman ka overseas voter and na dispproved bangod sa sala nga registration type kag 9 man ang wala gin aprobahan bangod may yara na sang active record sa COMELEC.
Dugang pa ni Caña, madamo sa mga may opposition ang wala nagtambong sa ERB hearing kag nag-ako nga nagapuyo na sa iban nga lugar.
Sa karon, naglab-ot na sa masobra 361,000 ang registered voters sa Bacolod City, samtang padayon pa ang deletion process.
