Arestado ang duha ka persona sa drug buybust operation nga ginpatigayon sa Prk Lampirong, Brgy 2, Bacolod City ala-1:33 kaina sang kaagahon.
Ang mga naaresto ang ginkilala nga sanday Reymond Parreño, 33 anyos, single, wala sang trabaho, residente sang Prk 6, Magsungay, Brgy Singcang-Airport, kag Paloma Alvarez, 23 anyos, residente sang Prk 1 Sisi, Magsungay, Brgy Singcang-Airport, Bacolod City.
Ang operasyon ang ginpatigayon sang Bacolod Police Station 2, kun sa diin narecover ang 1 ka knot tied kag anom ka heat-sealed tranparent plastic sachet sang suspected shabu, kalakip na ang buybust item.
Ang suspected shabu ang ginabanta nagabug-at sang 55 grams, nga may standard drug price nga P374,000.
Ang duha ang lunsay ginakabig nga street level individual, apang yara na ngadaan sa listahan sang Barangay Anti-Drug Abuse Council (BADAC).
