Naga-apelar ang Sangguniang Panlungsod sang ciudad sang Bacolod sa mga ginikanan nga tatapon ang mga kabataan kag indi pagpabay-an nga nagalibot-libot sa ciudad.
Ini kasunod sa nagtrending nga video kun sa diin may mga kabataan ang nagatililipon para magsinghot sang rugby.
Sang nakita sang mga kabataan nga may nagakuha sang video, amat-amat sila nga naglapta kag nagpalgyo samtang ang iban naman nagsenyales pa sang indi manami gamit ang ila tudlo.
Sang tinalikdan nga semana, 17 ka kabataan ang nahimo nga narescue naga-edad sang 11, 12 , kag 13; kag suno kay Councilor Israel Salangga, ginpakaon sila kag gintatap apang indi mahimo nga ihold ang mga ini sa youth home bangod may yara sila sang mga ginikanan.
Apang wala sila ginaclaim sang ila pamilya kag isa-isa na lamang sila nga ginadul-ong sa ila tagsa ka balay.
Suno kay Salangga, matapos mabuligan kag ma-orient ang mga kabataan kun marelease na sila, nagabalik ang mga ini sa gihapon sa dalanon.
Naga-apelar ang konsehal sa mga ginikanan nga disiplinahon kag tatapon sang insakto ang mga kabataan agud indi mapabay-an nga nagahimo sang indi insakto.
