Mga pumuluyo nga nakawitness sa buhawi sa brgy Biak-na-bato, La Castellana, nakabatyag sang tuman nga kakulba

Tuman ang kakulba sang mga pumuluyo sang Brgy Biak-na-bato, La Castellana, Negros Occidental sang may nagluntad nga buhawi sang Biyernes sang hapon.

Sa interview sang Bombo Radyo kay Joreyn Casipong Camero, nakuhaan sini sang video ang buhawi nga naglawig sa sulod sang lima ka minutos nga may kataason nga ginabanta 300 metros.

Suno diri kaupod niya ang iya magulang samtang nagapanguma sang nakita nila ang buhawi.

Suno kay Camero, nag-ulan sa lugar kag kasunod sini nagluntad ang buhawi nga ginpakamaayo na lamang nila nga wala sang may naguba nga balay bangod madamo sang puno sang kahoy sa palibot kag ang mga sanga lang sang kahoy ang nagkala-utod.