Ginsuspend ang face to face class sa banwa sang Hinoba-an subong nga adlaw bangod sa madamol nga pag-ulan.
Sa interview sang Bombo Radyo kay Mayor Daph Anthony Reliquias, humalin alas- 4:00 kaina sang kaagahon tubtob alas- 7:00 sang aga, madamol ang bubo sang ulan.
Suno diri, masami nga nagaka-eksperyesnyahan sa banwa ang pag-ulan basta may yara sang bagyo sa ibabaw bangod ang tiil sini nagalabay sa ila.
Suno kay Reliquias, sa karun nagatalithi na lamang apang madali lang kag liwat na naman nga nagadamol ang ulan.
Nagpanugyan na ini sa mga barangay nga imonitor ang baybay kag suba pananglitan nga magtaas ang tubig.
Nadeploy naman ang incident management team kun sa diin nagamonitor sa sitwasyon ang Philippine Coast Guard (PCG), maritime group, Philippine National Police (PNP), kag Disaster Risk Reduction and Management (DRRM).
