Nagpaandam ang Police Regional Office Negros Island Region sa tanan nga chief of police sa rehiyon nga seryusohon ang pagpatigayon sang operations batok sa illegal activities sa sakop sang ila area of responsibility.
Madumduman nga ginrelieved si PMaj Fortunato Sabio Villafuerte nga amo ang hepe sang Sibulan Municipal Police Station sa Negros Oriental santo sa One Strike Policy.
Ginrelieve si Villafuerte matapos magpatigayon sang anti-illegal gambling operation ang Regional Special Operations Group kag naaresto ang babayi nga suspek may kaangtanan sa paglapas sa Republic Act 9287 ukon anti-illegal gambling law bangod sa illegal-number games.
Sa interview sang Bombo Radyo Bacolod kay PRO-NIR Spokesperson Police Lt Col Joem Malong, ini mangin serbe nga leksyon sa mga chief of police nga seryusohon ang pagconduct sang operation sa illegal activies.
Suno diri, ginaprioritize ni Regional Director Police Brigadier General Romano Cardiño nga magsaka pa gid ang numero sang operational accomplishments para maimplementar ang SAFE NIR.
