Nagapati si Atty Renecito Novero nga indi bullying ang rason kun ngaa nahimo sang duha ka menor de edad nga magpaniro kag magpatay sang kaangay nila nga mga bata sa sulod sang eskwelahan sa Tacloban city.
Sa interview sang Bombo Radyo kay Novero, sa karun nga panahon madamo na gid sang makita kag masunod ang mga kabataan sa paggamit sang gadgets.
Suno diri, kun kaisa ang mga bata nga nagagamit sang cellphone may makita nga violent videos, sexual scenes kag iban pa nga indi maayo nga maka-impluwensya sa ila.
Suno kay Novero, kun kaisa naman ang mga ginikanan nagalantaw sang bayolente nga palagwaon bisan kaupod ang mga bata.
Para sa abogado, ang visual aids para sa mga kabataan subong kaangay nga indi na maayo kag matarong
Suno pa diri, mahimo nga indi matood nga ang rason sa pagpaniro sang duha ka suspek nga mga menor de edad amo nga biktima sila sang bullying bangod ang mindset sang duha amo nga maniro kag manakit ang balos sa pagpangbully sa ila kag dugang pa nga bisan ang mga wala nagapangbully nga bata ginluthang man nila.
Mensahe ni Novero sa mga ginikanan nga mangin mabinantayon sa mga kabataan ilabi na kun nagagamit sang gadgets ukon devices bangod sa karun nga panahon mas sagad pa ang mga kabataan sang sa mga tigulang mag-usar sang cellphone.
