Nagpahayag sang pagsuporta ang Philippine National Police (PNP) sa panawagan nga amyendahan ang Juvenile Justice and Welfare Act kag papanaugon sa 12-anyos ang edad sang criminal liability.
Sa isa ka briefing sa Malacañang kahapon, ginpahayag ni PNP Information Chief kag spokesperson Police Colonel Allen Rae Co nga ginasuportaran sang PNP ang pagpapanaug sang edad sang criminal responsibility.
Ini kasunod sang panawagan ni Sen. Robin Padilla angot sa insidente sang pagpangluthang sa San Jose National High School sa Barangay San Jose, Tacloban City sang Lunes.
Sa idalom sang Republic Act No. 9344 ukon Juvenile Justice and Welfare Act, ang mga bata nga naga-edad 15 padalom ang wala sang criminal liability.
Sa pareho nga briefing, ginkumpirmar ni Palace Press Officer Undersecretary Claire Castro nga bukas man si President Ferdinand “Bongbong” Marcos Jr. sa proposal nga ipapanaug ang edad sang criminal responsibility apang wala pa naistoryahan natuhoy sa partikular nga edad.
Dugang pa, ginpahayag man sang Malacanyang nga daw resonable man ang ginpropose sang PNP nga ipapanaug sa 12-anyos ang minimum age of criminal responsibility.
