Gindul-ong na sa iya ulihi nga palahuwayan kahapon ang Ateneo basketball player nga si Rene Clert Baterbonia sa New Talacogon Public Cemetery sa iya nga banwa sa Talacogon, Agusan del Sur.
Antes ang lubong sang alas-11:00 sang aga, nagpatigayon sang malip-ot nga programa sa diin naghatag sang pagpasidungog ang mga himata, mga abyan, kag mga lokal nga opisyal para sa nagtaliwan nga atleta.
Si Baterbonia kag kaupod nga Ateneo student-athlete nga si Divine Adili ang ginbawian sang kabuhi matapos malumos samtang ginapatigayon ang team-building activity sang Ateneo Blue Eagles sa Dipaculao, Aurora sadtong Hunyo 8.
Padayon pa ang imbestigasyon sang mga otoridad angot sa insidente.
Samtang, abanse na sa quarterfinals sang Bad Homburg Open doubles event sanday Alex Eala kag tennis legend nga si Venus Williams matapos ginlutos sanday Catherine Harrison kag Alexandra Osborne, sa score nga 6-3, 6-4, kagab-i.
