Ginahulat pa sang banwa sang Ilog ang result sang specimen sample sang baboy nga ginpadala para sa testing agud nga mahibaluan kun African Swine Fever ang rason sang recorded nga napatay nga mga sapat.
Sa interview kay Ilog Municipal Mayor John Paul Alvarez, nagahulat pa sila sang result sang test matapos nga masobra na sa 30 ka baboy ang napatay.
Suno kay Alvarez, anum ka Barangay ang nagreport nga may nagkalamatay nga baboy.
Suno diri naka-meeting naman ang probinsya kag ang banwa agud nga magbutang sang border control para sa nagasulod nga baboy kag produkto sini sa banwa.
Una na nga gin-report nga gina-verify pa sang Bureau of Animal Industry kag sang Negros Occidental Provincial Veterinary Office ang reported nga kaso sang mga napatay nga mga baboy.
